ഇ​ൻ​സ്റ്റ​ഗ്രാം പ്ര​ണ​യ ത​ട്ടി​പ്പ്: ‌യു​വ​തി​യു​ടെ 25 പ​വ​ൻ ക​വ​ർ​ന്ന ‌‌പ്ര​തി കു​ടു​ങ്ങി; തു​ണ​യാ​യ​ത് പ്ര​തി​യു​ടെ ഗൂ​ഗി​ൾ പേ

​ത​ല​ശേ​രി: ഇ​ൻ​സ്റ്റ​ഗ്രാം മു​ഖേ​ന പ​രി​ച​യ​പ്പെ​ട്ട യു​വ​തി​യു​ടെ 25 പ​വ​ൻ സ്വ​ർ​ണാ​ഭ​ര​ണം ത​ട്ടി​യെ​ടു​ത്ത സം​ഭ​വ​ത്തി​ൽ പ്ര​തി അ​റ​സ്റ്റി​ൽ. വ​ട​ക​ര മ​യ്യ​ന്നൂ​ർ സ്വ​ദേ​ശി മു​ഹ​മ്മ​ദ് ന​ജീ​റി​നെ​യാ​ണ് (29) എ​സ്ഐ ടി.​കെ. അ​ഖി​ലും സം​ഘ​വും അ​റ​സ്റ്റ് ചെ​യ്ത​ത്. പ്ര​തി​യി​ൽനി​ന്ന് ഏ​ഴ​ര​ല​ക്ഷം രൂ​പ​യും ര​ണ്ട് മൊ​ബൈ​ൽ ഫോ​ണു​ക​ളും പോ​ലീ​സ് പി​ടി​ച്ചെ​ടു​ത്തു. യു​വ​തി​യി​ൽനി​ന്നു ത​ട്ടി​യെ​ടു​ത്ത 25 പ​വ​നി​ൽ പ​തി​നാ​ല് പ​വ​ൻ വ​ട​ക​ര​യി​ലെ ജ്വ​ല്ല​റി​യി​ൽനി​ന്നും പോ​ലീ​സ് ക​ണ്ടെ​ടു​ത്തി​ട്ടു​ണ്ട്. സ​മാ​ന​മാ​യ രീ​തി​യി​ൽ കോ​ഴി​ക്കോ​ട് ജി​ല്ല​യി​ലെ വി​വി​ധ സ്ഥ​ല​ങ്ങ​ളി​ൽ പ്ര​തി പ്ര​ണ​യ ത​ട്ടി​പ്പ് ന​ട​ത്തി​യ​താ​യി പോ​ലീ​സ് പ​റ​ഞ്ഞു.

വി​വാ​ഹമോ​ചി​ത​രും വി​ധ​വ​ക​ളും ഇ​ര​ക​ൾ
വി​ധ​വ​ക​ളോ ഭ​ർ​ത്താ​വു​മാ​യി അ​ക​ന്നു ക​ഴി​യു​ന്ന​വ​രോ ആ​യ യു​വ​തി​ക​ളെ​യാ​ണ് പ്ര​തി പ്ര​ണ​യ കു​രു​ക്കി​ൽ​പ്പെ​ടു​ത്തി ത​ട്ടി​പ്പ് ന​ട​ത്തി വ​ന്ന​ത്. വ​ട​ക​ര, കു​റ്റ്യാ​ടി, വ​ള​യം, പ​യ്യോ​ളി സ്റ്റേ​ഷ​നു​ക​ളി​ൽ സ​മാ​ന​മാ​യ ത​ട്ടി​പ്പു കേ​സു​ക​ൾ പ്ര​തി​ക്കെ​തി​രേ​യു​ണ്ടെ​ന്നും പോ​ലീ​സ് പ​റ​ഞ്ഞു. നേ​രി​ലോ ഫോ​ട്ടോ​യി​ലൂ​ടെ പോ​ലു​മോ ക​ണ്ടി​ട്ടി​ല്ലാ​ത്ത യു​വാ​വി​നെ ഇ​ൻ​സ്റ്റ​ഗ്രാ​മി​ലൂ​ടെ പ്ര​ണ​യി​ച്ച ക​ണ്ണൂ​ർ ചൊ​വ്വ സ്വ​ദേ​ശി​നി​യാ​യ വി​വാ​ഹമോ​ചി​ത​യാ​യ യു​വ​തി​യാ​ണ് ത​ല​ശേ​രി​യി​ൽ ത​ട്ടി​പ്പി​നി​ര​യാ​യ​ത്.

ഒ​രു മാ​സം മാ​ത്രം നീ​ണ്ടു​നി​ന്ന പ്ര​ണ​യ സ​ല്ലാ​പ​ത്തി​നി​ട​യി​ലാ​ണ് 25 പ​വ​ൻ സ്വ​ർ​ണാ​ഭ​ര​ണ​വു​മാ​യി കാ​മു​ക​നെ തേ​ടി യു​വ​തി ഇ​റ​ങ്ങി​പ്പു​റ​പ്പെ​ട്ട​ത്. തൊ​പ്പി വ​ച്ച മെ​റൂ​ൺ ക​ള​ർ ഷ​ർ​ട്ട് ധ​രി​ച്ച​യാ​ളാ​ണ് യു​വ​തി​യു​ടെ സ്വ​ർ​ണ ത​ട്ടി​യെ​ടു​ത്ത​തെ​ന്ന വി​വ​രം മാ​ത്ര​മാ​ണ് ആ​ദ്യ​ഘ​ട്ട​ത്തി​ൽ പോ​ലീ​സി​നു ല​ഭി​ച്ച വി​വ​രം. തു​ട​ർ​ന്ന് ത​ട്ടി​പ്പ് ന​ട​ന്ന റെ​യി​ൽ​വേ സ്റ്റേ​ഷ​ൻ പ​രി​സ​ര​ത്തെ സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ച്ച പോ​ലീ​സി​ന് പ്ര​തി ന​ട​ത്തി​യ ഗൂ​ഗി​ൾ പേ ​ഇ​ട​പാ​ട് തു​മ്പാ​യി മാ​റു​ക​യാ​യി​രു​ന്നു.

ക​ഴി​ഞ്ഞ ഒ​മ്പ​തി​നാ​ണ് കേ​സ്നാ​സ്പ​ദ​മാ​യ സം​ഭ​വം ന​ട​ന്ന​ത്. ഒ​രി​ക്ക​ൽ പോ​ലും നേ​രി​ൽ കാ​ണാ​ത്ത കാ​മു​ക​നോ​ടൊ​പ്പം ജീ​വി​തം കൊ​തി​ച്ച് ത​ല​ശേ​രി​യി​ൽ എ​ത്തി​യ യു​വ​തി​യി​ൽനി​ന്നും സ്വ​ർ​ണാ​ഭ​ര​ണം ത​ന്ത്ര​ത്തി​ൽ കൈ​ക്ക​ലാ​ക്കി പ്ര​തി സ്ഥ​ലം വി​ടു​ക​യാ​യി​രു​ന്നു. വി​വാ​ഹവാ​ഗ്ദാ​നം ന​ൽ​കി​യാ​ണ് യു​വാ​വ് യു​വ​തി​യെ ത​ട്ടി​പ്പി​നി​ര​യാ​ക്കി​യ​ത്.

പ്ര​ണ​യം മൂ​ത്ത യു​വ​തി ആ​ദ്യ ഭ​ർ​ത്താ​വി​ലു​ള​ള കു​ട്ടി​യെ​യു​മെ​ടു​ത്താ​ണ് ത​ല​ശേ​രി​യി​ൽ എ​ത്തി​യ​ത്. റെ​യി​ൽ​വേ സ്റ്റേ​ഷ​നി​ൽ എ​ത്തി​യ യു​വ​തി​യോ​ട് കൈ​വ​ശ​മു​ള്ള സ്വ​ർ​ണാ​ഭ​ര​ണം സ്റ്റേ​ഷ​നി​ലെ​ത്തു​ന്ന സു​ഹൃ​ത്തി​ന് ന​ൽ​കാ​ൻ പ്ര​തി നി​ർ​ദ്ദേ​ശം ന​ൽ​കു​ക​യാ​യി​രു​ന്നു. സു​ഹൃ​ത്താ​യി എ​ത്തി​യ​തും താ​ൻ ത​ന്നെ​യാ​ണെ​ന്ന് പ്ര​തി പോ​ലീ​സി​നോ​ട് പ​റ​ഞ്ഞു.